Guðríður Þorsteinsdóttir formaður setti fund og stakk upp á Páli Arnóri Pálssyni sem fundarstjóra og Margréti Hauksdóttur sem ritara. Það var samþykkt.

Það voru þrír félagsmenn sem sóttu aðalfundinn: Guðríður Þorsteinsdóttir, Sigríður Ólafsdóttir og Páll Arnór Pálsson.

Dagskrá aðalfundar:

1.      Skýrsla stjórnar. 

Í öldungadeild eru nú 254 (250) félagar, en allir sem verða 65 ára á árinu eru sjálfkrafa skráðir í félagið og fá póst þar um í upphafi ársins. Ef þeir biðjast undan veru í deildinni þá er að sjálfsögðu orðið við því. Formaður öldungadeildarinnar starfsárið 2023-2024 var Guðríður Þorsteinsdóttir, aðrir stjórnarmenn voru;  Jónína Bjartmarz, Othar Örn Petersen, Páll Arnór Pálsson og Sigríður Ólafsdóttir. Í varastjórn voru Ólafur Egilsson, Þorsteinn A. Jónsson og Gestur Steinþórsson.

Á aðalfundi deildarinnar 24. maí 2023 varð talsverð umræða um lög deildarinnar og komu fram ýmsar tillögur um breytingar.  Samþykkt var að fresta aðalfundi og nota tímann til að undirbúa tillögur að lagabreytingum.  Á framhaldsaðalfundi sem haldinn var 19. október 2023 voru lagðar fram tillögur um heildarendurskoðun laga deildarinnar, þar sem m.a. var lagt til að stjórnarmönnum yrði fjölgað úr þremur í fimm og öldungaráð lagt niður.  Tillögurnar voru samþykktar samhljóða.

Þátttaka í viðburðum deildarinnar hefur verið dræm í allmörg ár og erfitt reyndist að virkja hópinn eftir covid tímabilið. Í stað fræðslufunda, sem yfirleitt voru fámennir, var því reynt að efna til annars konar viðburða,  svo sem heimsókna á söfn, gönguferða, skoðunarferða, leikhús o.fl. og þá gjarnan farið á kaffihús á eftir.  Þátttaka hefur þó ekki verið nægilega góð og stundum hefur þurft að fella niður auglýsta viðburði. Þannig mættu t.d. ekki nema fimm félagsmenn á púttmót sem efnt var til í desember sl. Óvenju góð þátttaka var hinsvegar í skoðunarferð í Eddu, hús íslenskunnar í mars  eða um 22 manns.

2.      Skýrsla um fjárhag

Engin félagsgjöld eru í öldungadeild og því ekki um fjárhag að ræða.

3.      Kosning stjórnar

Aðalmenn: Guðríður kvaðst láta af formennsku eftir tvö ár sem formaður. Dögg Pálsdóttir var kjörin formaður. Páll Arnór Pálsson kvaðst fara úr stjórn. Fyrir áttu Jónína Bjartmars og Othar Örn Petersen eitt ár eftir af kjörtíma sínum. Lagt var til að Guðríður Þorsteinsdóttir og Sigríður Ólafsdóttir sætu áfram sem aðalmenn í stjórn til næstu tveggja ára og var það samþykkt.

Varamenn: Lagt var til að Þorsteinn A. Jónsson og Gestur Steinþórsson væru kosnir sem varamenn í stjórn til næstu tveggja ára og var það samþykkt. Fyrir átti Ólafur Egilsson eitt ár eftir af kjörtíma sínum. 

4.      Ákvörðun árgjalds

Þar sem ekki er rukkað árgjald að öldungadeild var ekki ákveðin upphæð.

5.      Önnur mál

Vísað er til nýrrar stjórnar að ræða um starfsemi öldungadeildarinnar og framtíð.

Fundargerð ritaði Margrét Hauksdóttir

Fundargerð aðalfundar öldungadeildar LÍ 24. maí 2023

6 manns sóttu aðalfundinn: Guðríður Þorsteinsdóttir, Sigríður Ólafsdóttir, Páll Arnór Pálsson, Ólafur Egilsson, Þórður S. Gunnarsson og Þorsteinn A. Jónsson.

Guðríður Þorsteinsdóttir formaður setti fund og stakk upp á Páli Arnóri Pálssyni sem fundarstjóra og Eyrúnu Ingadóttur sem ritara. Það var samþykkt

Dagskrá aðalfundar:

1.      Skýrsla stjórnar. –

Í öldungadeild eru nú 250 (238) félagar en allir sem verða 65 ára á árinu eru sjálfkrafa skráðir í félagið og fá póst þar um á haustin. Ef þeir biðjast undan veru í deildinni þá er að sjálfsögðu orðið við því.

Starfsárið 2022-2023 var Guðríður Þorsteinsdóttir formaður, aðrir stjórnarmenn voru Páll Arnór Pálsson og Sigríður Ólafsdóttir. Í varastjórn voru Þorleifur Pálsson, Þorsteinn A. Jónsson og Gestur Steinþórsson. Aðalfundur verður haldinn 24. maí nk.

Að jafnaði hittist öldungadeild LÍ einu sinni í mánuði yfir vetrartímann en eftir Covid hefur reynst erfiðara að virkja hópinn. Auglýstir voru sex viðburðir.

Starfsemi

Þann 18. október 2022 var ganga undir heitinu Glæpur og refsing í Elliðaárdalnum. Þá gekk Eyrún Ingadóttir frkvstj. LÍ með félögum um dalinn og sagði frá Elliðaármálum, morðinu á bóndanum í Árbæ og drekkingu vinnukonunnar Vigdísar Þórðardóttur í Skötufossi. Síðan tók Margrét Hugadóttir á móti hópnum og leiddi um húsakynni Orkuveitunnar og í lokin var farið á kaffihús listamiðstöðvar í Kartöflugeymslunum. Alls tóku16 manns þátt í viðburðinum.

 Í október var auglýst ferð í Hellana á Hellu en ekki fékkst næg þátttaka.

Þann 9. nóvember 2022 var farið í Gróttugöngu sem endaði í kaffihúsinu í Ráðagerði. Alls tóku 15 manns þátt í göngunni.

Þann 7. desember 2022 var farið í Byggðasafnið í Hafnarfirði til að skoða Pakkhúsið, Beggubúð og Sívertsenshús og tóku 8 félagar þátt í viðburðinum

Í febrúar 2023 var auglýst heimsókn í Rithöfundasamband Íslands en vegna vondrar færðar var hætt við hana.

25. mars 2023 fóru 11 félagar öldungadeildar og fylgifiskar á Njálsbrennusögu í Landnámssetrinu í Borgarnesi.

2.      Skýrsla um fjárhag

Engin félagsgjöld eru í öldungadeild önnur en að vera í Lögfræðingafélaginu og enginn fjárhagur.

3.      Umræður um skýrslur

Formaður ræddi um lög öldungadeildar og mikilvægi þess að endurskoða þau þar sem það hefur ekki verið gert frá stofnun deildarinnar.

Ákveðið var að byrja skoða lögin og gerðu fundarmenn tillögu að breytingum sem ritara var falið að senda þeim að loknum fundi.

Samþykkt með öllum atkvæðum að fresta aðalfundi til ágústloka en að nota tímann til að yfirfara lögin. Var ritara falið að senda fundarmönnum drögin.

Aðalfundi frestað

Eyrún Ingadóttir ritaði fundargerð

Fundargerð framhaldsaðalfundar öldungadeildar LÍ 19. október 2023

5 manns sóttu framhaldsaðalfundinn: Guðríður Þorsteinsdóttir, Sigríður Ólafsdóttir, Páll Arnór Pálsson, Jakob Möller og Jónína Bjartmarz (í fjarfundi).

Guðríður Þorsteinsdóttir formaður setti fund og stakk upp á Páli Arnóri Pálssyni sem fundarstjóra og Eyrúnu Ingadóttur sem ritara. Það var samþykkt.

Páll Arnór sagði fundinn löglega boðaðan með tölvupósti til félaga.

7. Lagabreytingar

Fyrir fund voru tillögur aðalfundar frá því í maí sendar félagsmönnum með fundarboði. Nú var farið yfir hverja lagagrein fyrir sig.

Að lagabreytingum loknum var samþykkt að kjósa stjórn eftir nýju lögunum.

4.      Kosning stjórnar

Aðalmenn: Guðríður Þorsteinsdóttir var kjörin formaður. Fyrir áttu Sigríður Ólafsdóttir og Páll Arnór Pálsson eitt ár eftir af kjörtíma sínum. Lagt var til að Jónína Bjartmarz og Othar Örn Petersen kæmu ný sem aðalmenn í stjórn til næstu tveggja ára og var það samþykkt.

Varamenn: Þorsteinn A. Jónsson og Gestur Steinþórsson áttu eitt ár eftir af kjörtíma sínum. Lagt var til að Ólafur Egilsson yrði kosinn sem varamaður í stjórn til næstu tveggja ára og var það samþykkt.

5.      Kosning tveggja endurskoðenda

Endurskoðendur: Eiríkur Tómasson og Kristjana Jónsdóttir voru kosin sem endurskoðendur reikninga.

6.      Ákvörðun árgjalds

Þar sem ekki er rukkað árgjald að öldungadeild var ekki ákveðin upphæð.

7.      Önnur mál

Skoðaðar voru tillögur að vetrardagskrá sem Guðríður hafði tekið saman og fundarmenn bættu nú við í miklu hugarflugi. Ákveðið var að vinna áfram með eftirtaldar tillögur:

·         Golf – púttnámskeið-púttkeppni?

·         Elliðaárdalurinn og nýi veitingastaðurinn

·         Heiðmörk og Elliðavatn

·         Um Thorvaldsen- Sigurður Þorvaldsson lýtalæknir. (Jakob)

·         Leikhúsferð – fyrirlestur/kynning á undan – orð gegn orði borða á undan?

·         Hellisheiðarvirkjun

·         Hvalfjörður, hernámssetrið og Hvammsvík

·         Ásgrímsleið – Hveragerði listasafn Árnesinga/Húsið á Eyrarbakka og …

·         Oddi á Rangárvöllum – Þór Játvarður Jakobsson (Jakob)

·         Skotlandsferð (Orkneyjar)-fyrir vorið?

·         Öldungar láta ljós sitt skína: Félagar í öldungadeild rifja upp bernskubrek.

Fleira var rætt en ekki ritað

Fundargerð ritaði Eyrún Ingadóttir

Bogi Nilsson formaður setti fund og stakk upp á Ragnari Hall sem fundarstjóra og Eyrúnu Ingadóttur sem ritara. Það var samþykkt

9 manns sóttu aðalfundinn

Dagskrá aðalfundar:

1. Skýrsla stjórnar. - Bogi flutti hana

   Í öldungadeild eru nú 238 félagar en allir sem verða 65 ára á árinu eru sjálfkrafa settir í félagið og fá póst þar um á haustin. Ef þeir biðjast undan veru í deildinni þá er að sjálfsögðu orðið við því.

   Starfsárið 2021-2022 var Bogi Níelsson formaður en Ásdís Rafnar og Guðríður Þorsteinsdóttir í stjórn.

   Í varastjórn voru Þorsteinn Skúlason, Sigríður Ólafsdóttir og Þorleifur Pálsson.

   Í öldungaráði voru: Vilhjálmur H. Vilhjálmsson, Gestur Steinþórsson, Jakob R. Möller, Hjörtur Torfason, Hörður Einarsson og Othar Örn Petersen.

   Að jafnaði hittist öldungadeild LÍ einu sinni í mánuði yfir vetrartímann en vegna Covid urðu fundir færri en til stóð. Haldnir voru fjórir fundir að aðalfundi meðtöldum og voru þátttakendur á bilinu tólf til fimmtán.

    

   Ferð:

   15. maí 2021 fóru 18 félagar öldungadeildar á slóðir Sigríðar í Brattholti með Eyrúnu Ingadóttur frkvstj.sem skrifaði bókina „Konan sem elskaði fossinn“.

   Fundir:

   20. október 2021: Geir H. Haarde fv. sendiherra ræddi um samband Íslands og Bandaríkjanna í gegnum tíðina.

   8. desember 2021: Magnús Hannesson ræddi um upphaf og þróun regluverks alþjóða samfélagsins.

   30. mars 2022: Heimsókn til Hæstaréttar hafði verið frestað vegna smita í samfélaginu. Benedikt Bogason forseti og Ingveldur Einarsdóttir varaforseti Hæstaréttar tóku á móti hópnum ásamt Ólöfu Finnsdóttur skrifstofustjóra.

   4. maí 2022: Ólafur Egilsson fv. sendiherra rifjar upp sitthvað úr áhugaverðum störfum sínum í utanríkisþjónustunni til 40 ára.

    

   Að auki hefur öldungadeild nú auglýst fyrsta golfmót deildarinnar sem haldið verður á golfvelli Golfklúbbs Þorlákshafnar mánudaginn 16. maí.

    

2. Skýrsla um fjárhag

   Engin félagsgjöld eru í öldungadeild önnur en að vera í Lögfræðingafélaginu og enginn fjárhagur.

3. Umræður um skýrslur

          Engin umræða var um skýrslu stjórnar.

      4. Kosning stjórnar

          Skv. 6.gr. skal stjórn skipuð þremur aðalmönnum og þremur til vara. Hver stjórnarmaður er kosinn til tveggja ára í senn.

            Aðalmenn

            Guðríður Þorsteinsdóttir var kosin sem aðalmaður 2021 til tveggja ára. Sigríður Ólafsdóttir og Páll Arnór Pálsson gefa kost á sér sem             aðalmenn í stjórn.

            Engar fleiri tillögur komu fram og voru þau því sjálfkjörin

            Varamenn

            Þorleifur Pálsson var kosinn varamaður í stjórn 2021 til tveggja ára. Þorsteinn A. Jónsson og Gestur Steinþórsson gefa kost á sér í             varastjórn.

            Engar fleiri tillögur komu fram og voru þeir því sjálfkjörnir.

        5. Kosning öldungaráðs og tveggja endurskoðenda, sé þeirra þörf
            Sex manna öldungaráð er kosið til eins árs í senn:

            Vilhjálmur H. Vilhjálmsson, Hjörtur Torfason, Jakob Þ. Möller og Hörður Einarsson, Othar Örn Petersen og Ásdís Rafnar.

            Samþykkt með lófaklappi.

            - ekki kosnir endurskoðendur þar sem enginn fjárhagur er í félaginu.

        6. Ákveðið árgjald

            Félagið hefur engan fjárhag og því ekkert árgjald heldur greiða félagsmenn árgjald í LÍ.

        7. Lagabreytingar
           Engin tillaga gerð um lagabreytingar. Því var beint til nýrrar stjórnar að endurskoða lög félagsins fyrir næsta aðalfund.

        8. Önnur mál

            Engin önnur mál voru tekin fyrir. Alls sátu 9 manns fundinn og eru nöfn þeirra rituð í fundargerðarbók deildarinnar.

Eyrún Ingadóttir ritaði fundargerð

Bogi Nilsson formaður setti fund en frestaði aðalfundarstörfum að því búnu og gaf orðið til gests fundarins; Kristrúnar Heimisdóttur lögfræðings og doktorsnema. Að loknu erindi héldu aðalfundarstörf áfram og stakk Bogi upp á Ragnari Hall sem fundarstjóra og Eyrúnu Ingadóttur sem ritara.

Samþykkt.

Dagskrá

1. Skýrsla stjórnar. - Bogi flutti hana

   Í öldungadeild eru nú 211 félagar en allir sem verða 65 ára á árinu eru sjálfkrafa settir í félagið og fá póst þar um á haustin. Ef þeir biðjast undan veru í deildinni þá er að sjálfsögðu orðið við því.

   Starfsárið 2020-2021 var Bogi Nilsson formaður Logi Guðbrandsson og Ásdís Rafnar í stjórn. Í varastjórn voru Þorsteinn Skúlason, Guðríður Þorsteinsdóttir og Sigríður Ólafsdóttir. Aðalfundur var haldinn 12. maí sl.

   Að jafnaði hittist öldungadeild LÍ einu sinni í mánuði yfir vetrartímann en vegna Covid voru engir fundir haldnir frá aðalfundi í lok maí 2020 og þar til 5. Mars 2021 er stjórn, varastjórn og öldungaráð hittust til að leggja línur vorsins. Fundir hafa aðeins verið tveir en ein vorferð er í pípum á slóðir Sigríðar í Brattholti með framkvæmdastjóra LÍ.

   Fundir

   21. apríl: Gelísk áhrif á Íslandi til forna. Gestur fundarins var Gísli Sigurðsson rannsóknarprófessor hjá Árnastofnun.

   12. maí: Erlend áhrif á íslenska löggjöf frá 1908 til 2008. Gestur fundarins, sem var jafnframt aðalfundur, var Kristrún Heimisdóttir lögfræðingur og doktorsnemi.

   Bogi fór yfir upphaf öldungadeildar en 25 mættu á stofnfund 28. nóvember 2007. Hann velti upp hvaða umfjöllunarefni ættu að vera á fundum, hvort það ættu að vera dægurmál eða mál sem snerta lögfræðinga.

2. Skýrsla um fjárhag

   Engin félagsgjöld eru í öldungadeild önnur en að vera í Lögfræðingafélaginu og enginn fjárhagur.

3. Umræður um skýrslur

         Engin umræða var um skýrslu stjórnar.

      4. Kosning stjórnar

         Skv. 6.gr. skal stjórn skipuð þremur aðalmönnum og þremur til vara. Hver stjórnarmaður er kosinn til tveggja ára í senn.

        Aðalmenn

        Logi Guðbrandsson hefur nú lokið tveimur kjörtímabilum og fer því úr stjórn. Ásdís Rafnar og Bogi Nilsson voru kosin í stjórn á síðasta ári til tveggja ára. Lagt er til að kjósa Guðríði Þorsteinsdóttur sem aðalmann.

        Samþykkt með lófaklappi.

        Varamenn

        Þorsteinn Skúlason var kosinn í fyrra og á því eitt ár eftir sem varamaður í stjórn. Sigríður Ólafsdóttir var sömuleiðis kosin í fyrsta sinn í varastjórn á síðasta ári. Lagt er til að kjósa Þorleif Pálsson sem nýjan varamann í stjórn.

        Samþykkt með lófaklappi.

        5. Kosning öldungaráðs og tveggja endurskoðenda, sé þeirra þörf    
        Sex manna öldungaráð er kosið til eins árs í senn: Vilhjálmur H. Vilhjálmsson, Gestur Steinþórsson, Hjörtur Torfason, Jakob Þ. Möller og Hörður Einarsson og Othar Örn Petersen.

        Samþykkt með lófaklappi.

    - ekki kosnir endurskoðendur þar sem enginn fjárhagur er í félaginu.

    6. Ákveðið árgjald

    -Félagið hefur engan fjárhag og því ekkert árgjald heldur greiða félagsmenn árgjald í LÍ.

    7 . Lagabreytingar
    Engin tillaga gerð um lagabreytingar. Því var beint til nýrrar stjórnar að endurskoða lög félagsins fyrir næsta aðalfund.

    8. Önnur mál

    Engin önnur mál voru tekin fyrir. Alls sátu 15 manns fundinn og eru nöfn þeirra rituð í fundargerðarbók deildarinnar.

Eyrún Ingadóttir ritaði fundargerð