Frétt

07.11.2018 -

Mentorprógramm Lögfræðingafélags Íslands

Lögfræðingafélag Íslands hleypir nú af stokkunum mentorprógrammi fyrir nýútskrifaða lögfræðinga. Hugmyndin er að koma til móts við lögfræðinga sem eru að stíga sín fyrstu skref á vinnumarkaðinum eftir útskrift en skortir tengsl innan lögfræðistéttar eða tækifæri til þess að ræða um starfsþróun, hugmyndir og álitamál varðandi starfsferil sinn og raunhæfa markmiðasetningu.

Reynt verður að leiða saman aðila sem eru reynslumiklir á því sviði sem viðkomandi lögfræðingur starfar og koma þeir sem tekið hafa að sér að vera mentorar úr ýmsum geirum lögfræðinnar, s.s. úr fjármálageiranum, lögmennsku, fyrirtækjalögfræði, stjórnsýslu og úr í háskólaumhverfinu.


Skilyrði til þess að fá mentor er að viðkomandi sé með grunn- og meistaragráðu í lögfræði frá árabilinu 2015-2018, sé í starfi og félagsmaður í LÍ. Fyrirmyndin kemur frá systurfélagi LÍ, Djøf í Danmörku.

Áformað er að verkefnið hefjist í janúar 2019 og muni taka eitt ár. Gert er ráð fyrir því að aðilar hittist í 4-6 skipti á þeim tíma.

Umsækjendur fylli út meðfylgjandi eyðublað og er umsóknarfrestur til 12. desember.

Skráning hér

Hafa samband