Um LÍ

Lögfræðingafélag Íslands er áhugafélag sem er ætlað að efla samheldni með íslenskum lögfræðingum og gæta hagsmuna lögfræðingastéttarinnar.

Félagið hefur starfað frá árinu 1958 en nú eru innan þess sex áhugafélög eða deildir sem félagsmenn geta verið í sér að kostnaðarlausu. Þetta eru Öldungadeild, FLF - Félag lögfræðinga í fyrirtækjum, Áorka - áhugahópur um orkurétt, Höfundaréttarfélagið, Skattaréttarfélag Íslands og Áhugahópur um tæknirétt

Lögfræðingafélag Íslands er með skrifstofu í Álftamýri 9, 108 Reykjavík sem er opin kl. 13.00-15.00 alla virka daga.

Framkvæmdastjóri: Eyrún Ingadóttir. 

 

Tímarit lögfræðinga

Lögfræðingafélagið gefur út Tímarit lögfræðinga sem hefur verið vettvangur fræðilegra rannsókna á sviði lögfræði frá árinu 1951. Tímaritið kemur út fjórum sinnum á ári bæði í prentaðri útgáfu og rafrænni.  Nánari upplýsingar hér

 

Fundir, heimsóknir og ráðstefnur

Félagið miðlar upplýsingum til félagsmanna sinna um flesta þá viðburði sem eru haldnir á sviði lögfræði, heldur fræðafundi yfir vetrartímann og stendur árlega fyrir Lagadeginum ásamt Lögmannafélagi Íslands og Dómarafélagi Íslands sem er stærsti viðburður á sviði ársins á Íslandi. Þá stendur félagið einnig fyrir heimsóknum til fyrirtækja og stofnana.

 

Námsferðir

Félagið hefur skipulagt afar vinsælar námsferðir annað hvert ár, frá árinu 1999, og m.a. farið til Kína, Rússlands, Bandaríkjanna, Kúbu, Suður-Afríku, Indlands, Frakklands, Færeyja, Argentínu, Georgíu og Marokkó.

 

Réttarsöguferðir

Tvisvar sinnum hefur Lögfræðingafélagið staðið fyrir réttarsöguferðum. Í fyrra sinnið, árið 2017, var farið á slóðir síðustu aftökunnar á Íslandi í Húnaþingi og svo sett upp ný réttarhöld og dæmt í máli Agnesar Magnúsdóttur og Friðriks Sigurðssonar sem hálshöggvin voru á Þrístöpum árið1830. Nánari upplýsingar hér

Í síðara skiptið, árið 2022, var farið vestur á firði á slóðir Sjöundármála en að lokinni vettvangsferð var haldinn fundur um sekt eða sakleysi Steinunnar Sveinsdóttur og Bjarna Bjarnasonar sem dæmd voru til dauða fyrir að hafa myrt maka sína. Nánari upplýsingar hér

 

Árgjöld

Félagar í Lögfræðingafélagi Íslands eru um 1400 talsins en félagsgjöldum er stillt í hóf, eru nú um kr. 5.900,-. Félagar greiða lægra gjald fyrir fræðafundi og áskrift að Tímariti lögfræðinga auk þess sem afsláttur er veittur af Lagadeginum og svo fá félagar 10% afslátt af námskeiðum Lögmannafélags Íslands. Félagsaðild getur verið fljótt að borga sig. 

 

 

 

  • Ólafur Þór Hauksson formaður.
  • Þóra Hallgrímsdóttir varaformaður.
  • Kjartan Bjarni Björgvinsson frkvstj. Tímarits lögfræðinga.
  • Hjördís Halldórsdóttir ritari. 
  • Páll Þórhallsson gjaldkeri. 
  • Katrín Smári Ólafsdóttir meðstjórnandi.
  • Íris Arna Jóhannsdóttir meðstjórnandi.
  • Hafa samband